
Një e moshuar 80 vjeçare prej ditësh po qëndron jashtë spitalit rajonal të Peshkopisë pasi banesa e saj është shembur dhe ajo ka mbetur në qiell të hapur.
Sipas personave të cilët e njohin të moshuarën dhe situatën e saj, Nikla Pepa detyrohet të kalojë netët nëpër stola në kushte të mjerueshe. Pavarësisht se ka kërkuar ndihmë vazhdimisht, deri më tani institucionet përgjegjëse nuk i janë përgjigjur.
Nëna nuk ka njeri që të kujdeset për të pasi djalin e ka me probleme të shëndetit mendor dhe shpesh herë edhe agresiv. Institucionet sociale nuk janë dukur asgjëkundi për këtë rast skandaloz ku e moshuara është lënë në mëshirë të fatit. Versus.al

