Federica Mogherini , ish-Përfaqësuesja e Lartë e BE-së dhe Rektorja aktuale e Kolegjit të Evropës, është ndër të arrestuarit në hetimin që pati si pasojë kontrolle të kryera këtë mëngjes në Shërbimin e Veprimit të Jashtëm të Bashkimit Evropian (EEAS) dhe Kolegjin e Evropës në Bruges.
Hetimi ka të bëjë me keqpërdorimin e dyshuar të fondeve të BE-së .
Operacionet filluan në agim, me sekuestrimin e dokumenteve dhe ndalimin e tre personave për marrje në pyetje nën dyshimin për mashtrim në prokurimin publik, korrupsion dhe konflikt interesi kriminal.
I arrestuar është dhe Stefano Sannino, ish-Sekretar i Përgjithshëm i EEAS, tani është Drejtor i Përgjithshëm i Drejtorisë së Përgjithshme të Komisionit Evropian për Lindjen e Mesme dhe Afrikën e Veriut.
Moska: "BE-ja po u predikon të tjerëve."
“BE preferon të injorojë problemet e veta të korrupsionit, por vazhdimisht u jep mësime të tjerëve”, tha zëdhënësja e Ministrisë së Jashtme ruse, Maria Zakharova, për agjencinë e lajmeve TASS në lidhje me hetimin që çoi në arrestimin e Federica Mogherinit.
Zakharova pretendoi se miliona euro rrjedhin përmes “kanaleve të korrupsionit” brenda BE-së në Kiev, dhe kjo “ka ndodhur prej vitesh dhe është e qartë për të gjithë”./Versus.al
