Një jaht luksoz 30 metra i gjatë është fundosur në ujërat pranë Porto Cervos, në Costa Smeralda të Italisë, vetëm pak ditë pasi i ishte dorëzuar pronarit të tij.
Bëhet fjalë për jahtin “Angiola II”, një Amer F100 me vlerë mbi 8 milionë euro, i cili ishte në lundrim në ujërat e Gallurës kur pësoi një avari në motor.
Sipas mediave italiane, defekti në motor dyshohet se ka shkaktuar edhe një fillim zjarri në bord. Në momentin e incidentit, në jaht ndodheshin 14 persona, mes tyre të ftuar të pronarit dhe pjesëtarë të ekuipazhit.
Pas avarisë, rreth jahtit janë vendosur barriera për mbajtjen e ndotjes, ndërsa deri tani nuk raportohet për rrjedhje karburanti në det.
Anija është duke u monitoruar vazhdimisht nga autoritetet dhe ekipet e ndërhyrjes, ndërsa pritet mbërritja e një rimorkiatori të një kompanie të specializuar, e cila është angazhuar për nxjerrjen dhe rikthimin e jahtit në breg.
Incidenti ka ndodhur në ujërat e Costa Smeralda, një prej zonave më të njohura turistike të Sardinjes./Versus.al
View this post on Instagram
