Dashuria e besimi mes tyre, nuk ka lindur tani vonë. Kim Kardashian e Mario Dedivanovic kanë qenë "partner në krim" me dhjetra herë, sa herë që Kim ka qenë imazh i kopertinave apo mbrëmjeve gala, ku Kim shfaqet si diva. Mario, është malazezi me prindër shqiptarë, që korri famë e bujë në SHBA për shijen e rrallë, modernitetin dhe lidhjen e fortë me VIP-at marikan që kërkojnë shërbimet e tij.
Artisti i njohur i makiazhit ka grimuar fytyrat e shumë VIP-ave, por njëherësh ai është grimer personal i Kim Kardashian.
E kjo e fundit, në ditëlindjen e tij të 41-të, ka bërë një urim të veçantë për Marion.
“Urime ditëlindjen mbreti i grimit. Të dua shumë Mario” - ka shkruar Kim në disa fotografi të publikuara. Ajo ka ndarë portrete me Marion, nga disa evente të ndryshme në të cilat ia ka besuar “look-un”grimerit.
