Modelja e njohur braziliane, Adriana Vieira, është gjetur e vdekur, pasi kishte marrë pjesë në festën e jahtit të një reperi në Miami, njoftuan sot mediat vendase.
Pas festës, 31-vjeçarja besohet se kishte hyrë në ujë për të notuar në gjirin e Miamit, para se të gjendej trupi i saj i pajetë.
Oganizatori i festës, i raportuar nga mediat si ‘një muzikant vendas’, nuk i është bërë ende publik emri në media.
31-vjeçarja braziliane postonte rregullisht përmbajtje erotike në platforma me pagesë, mes të cilave dhe Onlyfans, më parë ka punuar si kërcimtare dhe modele në SHBA.
Mediat braziliane thanë se ajo ishte nënë e një fëmije gjashtë-vjeçar, për të cilin kujdesej një dado, teksa ajo udhëtonte në impenjimet e punës. Adriana, nga Sao Paulo, ishte vendosur në Florida me bashkëshortin dy vjet më parë dhe shpesh postonin në rrjet për stilin e tyre ekstravagant të jetesës.
Bashkësorti i saj i identifikuar si Roberto Tesario, ishte kthyer më herët në Brazil duke lënë Adriana të rriste e vetme fëmijën e tyre, raporton The Sun.
Trupi i Adriana, e cila njihej në rrjetet sociale si ‘LadyRichForever’, po mbahet për autopsinë nga mjekësia ligjore, teksa policia heton mbi shkaqet e rrethanat e vdekjes së pashpjeguar.
“Dua të hetohet vdekja e vajzës time dhe kërkoj ndihmë për kthimin e trupit në atdhe. Nuk dua që ta varrosin atje në varrezat e të varfërve”, ka thënë për mediat braziliane nëna e viktimës.
