Një i ri shqiptar i cili ishte duke udhëtuar me motor “Scooter” është përplasur me një mjet në Itali, aksidenti ishte fatal. 18 vjeçari Francesco Ajdini humbi jetën në Sorbolo di Parma, në Reggio Emilia.
I riu shqiptar jetonte me familjen e tij në Praticello di Gattatico, vdiq pas një aksidenti rrugor pasditen e djeshme, rreth orës 16:00.
Sipas një rindërtimi fillestar, pranë ish-supermarketit Tigotà, një Fiat i drejtuar nga një burrë po kthehej majtas kur u përplas me skuterin 125cc të drejtuar nga 18-vjeçari shqiptar, i cili po udhëtonte drejt Reggio-s.
I riu, i cili mbante një helmetë, përfundoi në asfalt. Ambulanca dhe policia mbërritën menjëherë në vendngjarje por Francesco Ajdini kishte humbur jetën, çdo përpjekje e bërë nga mjekët rezultoi pa sukses.
Në faqen e Facebook-ut të babait të viktimës, Flamur Ajdini, foto dhe video shfaqen në një postim të publikuar në shtator që përshkruan festën e 18-vjetorit të të birit:
“Francesco kërcen, duke mbajtur duart me të rinj të tjerë dhe madje duke përfshirë edhe të afërm të ngushtë; më pas ai shfaqet duke buzëqeshur para një torte blu, i rrethuar nga tullumbace blu dhe të bardha, i përqafuar nga prindërit dhe motra e tij.”
