Pas ceremonisë mortore në Pallatin e Kulturës në Tetovë, këngëtari i ndjerë Shpat Kasapi u përcoll për në banesën e fundit. Mijëra njerëzi ishin të pranishëm, për ti dhënë lamtumirën e fundit këngëtarit i cili ndërroi jetë në moshën 40 vjeçare për shkak të atakut kardiak.
Në varrezat e Tetovës, u bë edhe ceremonia e varrimit, u dëgjuan lutje dhe fjalë ngushëllimi, ndërsa dhjetëra persona vazhduan të derdhnin lot për humbjen e papritur të këngëtarit.
Familjarët, miqtë, kolegët dhe personalitete të ndryshme u panë në kortezhin mortor, duke ecur në heshtje dhe lot në sy pas arkëmortit të mbuluar me flamurin kombëtar.
Këngëtari u varros mes një dhimbjeje të madhe kolektive, duke lënë pas kujtime që do të mbeten gjatë si te familjarët dhe të afërmit, ashtu edhe tek publiku që e ka dashur për vite me radhë.
