Tiranë- Ka shkuar në 27 numri i personave të arrestuar si pjesë e grupit kriminal që merrej me shpërndarjen e drogërave të forta në zonën e ish-bllokut.
Policia ka arrestuar në Kashar 33 vjeçarin me iniciale A.B i cili ishte shpallur në kërkim. Për të ishte caktuar masa e sigurisë arrest me burg nën dyshimin se merrej me prodhimin dhe shitjen e lëndëve narkotike.
"Si rezultat i administrimit të shpejtë të informacioneve të siguruara në rrugë operative, mbi vendndodhjen e një shtetasi të shpallur në kërkim gjatë megaoperacionit “Blloku 33”, shërbimet e Seksionit për Hetimin e Narkotikëve, në bashkëpunim me shërbimet e Komisariatit të Policisë Nr. 6, kapën në Kashar, dhe vunë në pranga shtetasin A. B., 33 vjeç.
Për të është caktuar masa e sigurisë “Arrest në burg”, për veprën penale”Prodhimi dhe shitja e narkotikëve”. Vijojnë kërkimet për kapjen e 6 shtetasve të tjerë të shpallur në kërkim gjatë këtij megaoperacioni. Materialet procedurale iu referuan Prokurorisë së Tiranës, për veprime të mëtejshme"- njofton policia. Versus.al
