Izraeli do të mbyllë ambasadën e tij në Dublin për shkak të "politikave ekstreme të qeverisë irlandeze kundër Izraelit ", tha ministri i Jashtëm Gideon Saar.
“Duhet theksuar se në të kaluarën ambasadori i Izraelit në Dublin është tërhequr pas vendimit të njëanshëm të Irlandës për të njohur “Shtetin Palestinez” .
“Javën e kaluar, Irlanda njoftoi mbështetjen e saj për veprimin ligjor të Afrikës së Jugut kundër Izraelit në Gjykatën Ndërkombëtare të Drejtësisë në Hagë, duke akuzuar Izraelin për ‘gjenocid’”, thuhet në deklaratën e ministrit.
“Veprimet dhe retorika antisemitike e Irlandës kundër Izraelit bazohen në delegjitimimin dhe demonizimin e shtetit hebre dhe standardet e dyfishta”, shtoi Saar. “Irlanda ka kaluar të gjitha vijat e kuqe në marrëdhëniet e saj me Izraelin. Izraeli do të investojë burimet e tij në promovimin e marrëdhënieve dypalëshe me vendet e botës në përputhje me prioritetet që dalin nga qëndrimi i vendeve të ndryshme ndaj tij”.
Në maj, Izraeli tërhoqi ambasadorin e tij në Irlandë sepse ishte një nga tre vendet e BE-së që do të njihnin në mënyrë të njëanshme shtetin palestinez . Irlanda nuk e kishte tërhequr ambasadorin e saj.
