Ministria e Shëndetësisë së Libanit ka deklaruar se sulmet izraelite kundrejt tyre kanë vrarë 1530 persona dhe kanë plagosur mbi 4800 të tjerë që nga fillimi i luftës 5 javë më parë.
Mes të vrarëve numërohen qindra gra dhe mbi 130 fëmijë. Ndërkohë, ushtria izraelite deklaroi të martën se kishte shkatërruar një urë tjetër strategjike të rëndësishme mbi lumin Litani në Libanin jugor, duke akuzuar milicinë Hezbollah të mbështetur nga Irani se e përdorte atë për të kontrabanduar armë në jug të vendit.
Sulmi ndodhi të hënën, tha ushtria, duke shtuar se shtatë ura dhe kalime në Libanin jugor ishin shkatërruar gjithashtu në javët e fundit.
Ato ishin pjesë e infrastrukturës civile të vendit dhe lidhnin jugun me pjesën tjetër të vendit.
Burime libaneze të sigurisë konfirmuan se shtatë ura të mëdha janë shkatërruar deri më tani nga sulmet izraelite, duke kufizuar ndjeshëm aksesin dhe transportin rrugor në jug. Versus.al
