Forcat e Armatosura Izraelite kanë publikuar një video që tregon momentin e bombardimit të pallatit ku banonte Ajatollah Ali Khamenei, të shtunën në mëngjes, pasi u godit gjatë operacionit të përbashkët SHBA-Izrael.
‼️WATCH: For the first time since the start of Operation ‘Roaring Lion’, the IAF is striking targets belonging to the Iranian terror regime in the heart of Tehran.
— Israel Defense Forces (@IDF) March 1, 2026
Over the past day, the IAF conducted large-scale strikes to establish aerial superiority and pave the path to… pic.twitter.com/DN2MkGCfWc
Operacioni erdhi pas muajsh mbikëqyrjeje nga CIA të udhëheqësit suprem fetar të Iranit .
Sipas New York Times, shërbimi i inteligjencës amerikane i dha Izraelit informacion të detajuar dhe shumë të besueshëm se Khamenei do të merrte pjesë në një takim të zyrtarëve të lartë iranianë të shtunën në Teheran.
Në të njëjtën kohë, shërbimet e inteligjencës izraelite verifikuan se takimi do të zhvillohej në pallatin ku ai banonte.
Sipas një burimi amerikan, Khamenei do të mbante një takim në Teheran të shtunën në mbrëmje, por inteligjenca izraelite zbuloi se takimi do të zhvillohej në mëngjes. Mundësia ishte ideale. Uashingtoni dhe Tel Avivi vendosën të përshpejtonin goditjen për ta eliminuar atë, që do të zhvillohej në kohën e takimit të Khameneit me rrethin e tij të ngushtë.
Burime izraelite thanë se agjencitë e inteligjencës zbuluan takime të shumëfishta të njëkohshme të nivelit të lartë, të cilat çuan në aktivizimin e menjëhershëm të operacionit. Rrjeti izraelit Channel 12 raportoi se rreth 30 bomba u hodhën në kompleksin ku ndodhej Khamenei, i cili, sipas të njëjtit burim, ishte nën tokë në kohën e sulmit./Versus.al
