Spektakli i humorit “Portokalli” pritet të rikthehet në sezonin e ri televiziv me ndryshime të rëndësishme dhe emra të rinj në kast.
Pas rikthimit të Agron Llakajt në krye të programit dhe prezantimit përkrah Kiara Titos, një tjetër emër i njohur i humorit po përflitet si pjesë e sezonit të ri.
Bëhet fjalë për Albano Bogdon, i cili duket se mund t’i bashkohet skuadrës së “Portokalli”-s.
Dyshimet janë shtuar pas një fotografie të publikuar nga aktori Visjan Ukcenaj, ku shfaqet krah Bogdos në ambientet e Top Channel.
Fotoja është realizuar në sallën e mbledhjeve të televizionit dhe menjëherë ka nxitur aludimet se Bogdo mund të jetë pjesë e projektit të ri të humorit.
Megjithatë, deri tani nuk ka një konfirmim zyrtar nga Top Channel lidhur me rolin që do të ketë Albano Bogdo në sezonin e ri.
