Për Rute Cardoso-n, dita e përvjetorit të martesës nuk është më një moment festimi, por një kujtim i dhimbshëm. Ajo nuk e kishte imagjinuar kurrë që përvjetori i parë i martesës me Diogo Zota-n, më 22 qershor 2025, do të shënohej me lot dhe mungesë.
Futbollisti portugez dhe partnerja e tij prej fëmijërie kishin ndërtuar një jetë së bashku me tre fëmijët e tyre, duke ëndërruar për një të ardhme të ndritur. Por fati ndërhyri mizorisht. Diogo humbi jetën tragjikisht në një aksident automobilistik, së bashku me vëllain e tij André, duke lënë pas një boshllëk të pazëvendësueshëm.
Në këtë ditë të rëndë, Rute zgjodhi të ndajë dhimbjen dhe kujtimin në rrjetet sociale. Në një postim prekës në Instagram, ajo ndau tre fotografi të ditës së dasmës së tyre, duke përkujtuar dashurinë dhe lumturinë që ndanë, edhe pse për pak kohë. Postimi i saj preku zemrat e mijëra njerëzve, duke kujtuar se dashuria e vërtetë nuk shuhet as me largimin fizik.
“Një muaj i ‘derisa vdekja të na ndajë’. Përgjithmonë. Vajza jote e bardhë”, shkroi Rute në dedikimin e saj prekës për burrin e saj.
Vdekja përfundimisht i ndau shumë herët, por Rute do ta mbajë përgjithmonë Diogon në zemrën e saj.
View this post on Instagram
