Një tragjedi e rëndë ka goditur familjen Shahini në orët e hershme të mëngjesit të sotëm, kur një aksident i rëndë ndodhi në aksin rrugor “Elbasan-Peqin”, afër fshatit Paulesh. Në ngjarjen e tmerrshme humbën jetën 55-vjeçarja Fatbardha Shahini dhe djali i saj, Klodian Shahini.
Përplasja ishte aq e fuqishme sa që shkatërroi automjetin e tyre dhe i bllokoi brenda. Fatbardha dhe Klodian humbën jetën në vend.
Nga aksidenti u plagosën gjithashtu drejtuesi i furgonit dhe katër pasagjerë të tjerë që ndodheshin në mjet.
Të gjithë të plagosurit u transportuan në spitalin e Elbasanit, ku u konstatua se janë jashtë rrezikut për jetën. Autoritetet kompetente janë duke hetuar shkaqet e saktë të aksidentit, ndërsa rruga u bllokua për disa orë për të lejuar hetimet dhe pastrimin e vendit./Versus.al
