Eduart Kapri, ish-kryetar i Bashkisë së Pogradecit, është shpallur i pafajshëm dhe nga Gjykata e Posaçme e Apelit për Korrupsionin dhe Krimin e Organizuar duke lënë kështu në fuqi vendimin e dhënë në vitin 2023 nga Gjykata e Posaçme.
Kapri ishte akuzuar nga SPAK për dy episode.
Fakti i parë penal, lidhet me procedurën e prokurimit “Procedurë e Hapur” me objekt: “Blerje dru zjarri”, me fond limit 9 268 000 lekë (pa tvsh), e zhvilluar në datën 27.10.2017, nga autoriteti kontraktor, Bashkia Pogradec”.
Fakti i dytë penal kishte lidhje me ngjarjen e datës 28.06.2019 (dy ditë para zgjedhjeve të 30 qershorit 2019), ku u arrestuan në flagrancë shtetasit Gurali dhe Safet Blaceri, duke vënë dryna me çelës në rrethin e jashtëm në tre shkolla dhe një kopsht, institucione këto që ndodhen ne lagjet nr.2 dhe 5 të qytetit të Pogradecit, të cilat ishin miratuar si qendra votimi nga Komisioni Qendror i Zgjedhjeve për zgjedhjet vendore të datës 30.06.2019./Versus.al
