Vijojnë hetimet ndaj dhunës barbare të ushtruar ndaj avokatit Sokol Mëngjesit i cili prej gjashtë ditësh ndodhet në intubim.
Në kuadër të hetimeve është shoqëruar dhe marrë në pyetje dhe biznesmeni Arben Reli, shkruan Voxnews.
Reli figuron një nga tetë trashëgimtarët e pronës për të cilën ishte lidhur kontrata e shërbimit me avokatin.
Sipas dëshmisë së njërit prej dhunuesve Dorian Aliu të cilin gjykata e ka lënë arrest me burg, Dritan Nano është organizatori i atentatit ndaj avokatit.
Për tre autorët e tjerë policia zyrtarisht nuk jep informacione mbi vendndodhjen e tyre, ndërsa ka vënë në dispozicion 20 mijë euro shpërblim për këdo që ndihmon në arrestimin e tyre.
Avokati u sulmuar më 29 maj teksa linte në kopsht djalin e tij në zonën e ish-bllokut.
