Një oficer i lartë i policisë, i cili nuk ëshë i panjohur për SPAK, aktualisht drejtor i Operacionales, Vilson Bala, është rënditur i pari mes kandidatëve për kryepolicë në 12 qarqet e vendit. Bala, së bashku me Ilir Prodën, Neritan Nallbatin e disa oficerë të tjerë u morën pak javë më parë në pyetje nga SPAK në lidhje me dekonspirimin e goditjes së bandës së dy vëllezërve Çopja në Elbasan. Vilson Ilir Bala, sipas shumë "zërave" korridoreve të Ministrisë së Brendshme dhe Drejtorisë së Përgjithshme të Policisë mund të jetë drejtori i ardhshëm i qarkut më të madh në vend, kryeqytetit, në vend të Tonin Vocajt, i cili ka garuar në këtë konkurs dhe rënditet i 14-ti me 72 pikë.
Në vendin e dytë, me 87.33 pikë renditet Edison Ushtar Çela, i cili ka mbajtur detyrën e Drejtorit në Drejtorinë Rajonale të Agjencisë së Mbikëqyrjes Policore Tiranë. Ndaj tij është ndërprerë procesi i Vettingut, pa një vendim përfundimtar.
Ndërsa në vendin e tretë me 85.33 pikë është rënditur Elton Dilaver Alushi, Zëvendësdrejtor për Hetimin e Krimeve, në Drejtorinë Vendore të Policisë Vlorë. Vetëm ka ditë më parë Alushi doli para komisionit të Vettingut në polici, ku në faqen 59 të raportit të këtij komisioni thuhet e zezë mbi të bardhë e "Grada “Kryekomisar”, nuk korrespondon me funksionin që subjekti i vlerësimit ushtron aktualisht si Zëvendësdrejtor për Hetimin e Krimeve, në Drejtorinë Vendore të Policisë Vlorë, në Drejtorinë e Përgjithshme të Policisë së Shtetit. A do të korrespondojë kjo gradë me detyrën e drejtorit të ndonjë Qarku?
Versus.al, bëri verifikimet minimale për 3 të rënditurit e parë në listën e policisë dhe vetëm me 3 Google Search, pa informacione të klasifikuara nga organet ligjzbatuese gjeti këto informacione.
Ndërkohë që gara bëhet për 12 qarqe, në listë, qartazi janë të rënditur vendi i 13-të e më poshtë disa prej drejtorëve aktual nëpër qarqe si Vocaj, Skënder Hitaj, Lorenc Panganika apo dhe Artan Bajraktari.
NOFTIMI
Komisioni i Vlerësimit të Aplikimeve për përzgjedhjen e kandidatëve për drejtor të drejtorisë vendore në Policinë e Shtetit, i përbërë nga 3 drejtues të lartë të Policisë së Shtetit, pas shqyrtimit të dokumentacionit dhe intervistës së kandidatëve të cilët kanë aplikuar për pozicionin “Drejtor i Drejtorisë Vendore” në Policinë e Shtetit, vendosi të shpallë listën e pikëve të fituara nga secili kandidat gjatë procesit të konkurrimit.
Konkurrentët Artur Shira, Dritan Malaj dhe Lorenc Shehu nuk u paraqitën në fazën e intervistës.
Konkurrentët kanë të drejtën e ankimimit brenda 2 ditësh nga momenti i publikimit në faqen zyrtare të Policisë së Shtetit të vendimit me vlerësimin përfundimtar të secilit. / Versus.al
