AKTUALITET /

Me 8 kg kanabis në makinë, kapen 2 vëllezërit në Kurbin (EMRAT)

Shkruar nga Versus
Me 8 kg kanabis në makinë, kapen 2 vëllezërit në Kurbin
Momenti i arrestimit në Kurbin

Lezhë- Dy vëllezër janë arrestuar nga policia e Kurbinit në aksin “Laç Mamurras” ku janë kapur duke transportuar me makinë rreth 8 kg kanabis.

Në pranga ranë Simon Vuka 36 vjeç dhe Gëzim Vuka 26 vjeç të cilëve gjatë kontrollit të bërë iu gjet lënda narkotike e ndarë në 2 qese me peshë rreth 8 kg.

"Si rezultat i administrimit të menjëhershëm të informacioneve të siguruara nga inteligjenca policore, se 2 shtetas transportonin lëndë narkotike, Seksioni për Hetimin e Narkotikëve i DVP Lezhë, në bashkëpunim me Forcën e Posaçme "Shqiponja" dhe me Seksionin e Mbështetjes Operacionale të Hetimit, kanë finalizuar operacionin policor të koduar “Mbikalimi”.

Gjatë operacionit janë arrestuar në flagrancë shtetasit S. V., 36 vjeç dhe G. V. 26 vjeç, vëllezër, të dy banues në Kurbin. Ata janë kapur në aksin rrugor "Laç-Mamurras", teksa transportonin rreth 8.2 kg Cannabis Sativa, me qëllim shitjen”, njofton policia.

Policia ka sekuestruar drogën dhe shuma parash në lekë dhe në euro, si edhe dy celularë. Versus.al

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: