Punonjësit e aeroportit të Vlorës janë ngritur ditën e sotme në protestë për pagat, duke pezulluar totalisht punimet për disa orë.
Pas ndërhyrjes së drejtuesve të projektit u bë e mundur rinisja e punimeve ditën e sotme, por ma paralajmërimin se do të rikthehen në protestë të premten, nëse pagat e vonuara nuk u kalohen në llogaritë e tyre bankare siç u është premtuar.
Punimet për aeroportin e Vlorës kanë nisur në fund të vitit 2021. Aeroporti Ndërkombëtar i Vlorës po ndërtohet me një vlerë prej 104 milionë eurosh nga një konsorcium i përbërë me tre kompani, dy nga Kosova dhe një nga Turqia.
Aeroporti parashikohet të jetë gati për fluturimin e parë në vitin 2025 por me pezullimin e punimeve për shkak se punonjësit, nuk kanë marrë pagat, duket se ky afat do të shtyhet më tej. Versus.al
