Ish-kryebashkiaku i Pogradecit, Eduart Kapri, është shpalur fajtor për akuzën e "Shpërdorimit të detyrës" nga Gjykata e Korruptimit dhe Krimit të Organizuar.
Kapri u dënua me 1 vit e 6 muaj burgim, por ekzekutimi i dënimit u pezullua, dhe ai u vendos në shërbim prove për dy vjet.
Si dënim plotësues, gjykata i hoqi të drejtën të ushtrojë funksione publike për një periudhë prej 5 vjetësh.
Në të njëjtin proces, dy ish-zyrtarë të tjerë, Besmira Niko dhe Besjan Meço, u dënuan me 1 vit e 4 muaj shërbim prove dhe u heqën të drejtën për të ushtruar funksione publike për 5 vjet.
Sipas SPAK, Kapri, në bashkëpunim me këta zyrtarë, lejoi që kompania Gedi sh.p.k të përfundonte punimet e pezulluara të një pallati 12-katësh, duke shkelur rregullat dhe procedurat e duhura.
Interesant është fakti që Kapri kishte qenë më parë administrator i kompanisë Gedi sh.p.k, të cilën e transferoi në emër të vëllait të tij kur u zgjodh kryebashkiak. Kjo transaksion ka ngritur dyshime për konflikte interesi gjatë periudhës së detyrës së tij./Versus.al
