Një raund i ri sulmesh ka filluar në Lindjen e Mesme, me shpërthime të reja të raportuara në kryeqytetin libanez, në periferitë jugore të Bejrutit.
Siç raportohet, nga këto sulme tre persona kanë vdekur dhe qindra janë plagosur, shumë prej të cilëve kanë plagë në krahë dhe në stomak.
Dëshmitarët okularë thanë se radiot portative të përdorura nga Hezbollah shpërthyen në jug të vendit dhe në periferitë jugore të Bejrutit.
Është raportuar gjithashtu se sistemet e energjisë diellore të vendosura në shtëpi banimi kanë shpërthyer në disa zona të Bejrutit, me Agjencinë Libaneze të Lajmeve që raportoi se këto sisteme ishin përgjegjëse për disa nga shpërthimet.
Sipas agjencisë Reuters, duke cituar dëshmitarë okularë dhe burime sigurie, pajisjet e komunikimit, telekomandë (transmetues me valë) , të përdorura nga Hezbollahu shpërthyen në periferitë jugore të Bejrutit.
Shpërthimet kanë ndodhur në pjesë të ndryshme të rrethinave të Bejrutit, ndërsa 30 autoambulanca janë dërguar nga Kryqi i Kuq.
Një imazh i një radioje të dëmtuar në tokë po bën xhiron e internetit.
Ahora hay una ola de explosiones de walkie talkies en El Líbano. La operación continúa pic.twitter.com/9HmKOpzE3K
— Nacho Montes de Oca (@nachomdeo) September 18, 2024
Që kur sulmet u kryen agjencia franceze e lajmeve AFP raportoi se marrësit me valë kishin shpërthyer në bastionin e Hezbollahut në Bejrut.
Një nga dy shpërthimet ndodhi gjatë një funerali në lagjen Dahiyeh, një periferi jugore e Bejrutit, ndërsa njerëzit po u jepnin lamtumirën e fundit katër personave të vrarë nga shpërthimet e së martës.
Breaking News ????
— Ajeet Yadav (@ajeetkumarAT) September 18, 2024
Today's explosions of communication devices across #Lebanon seem to have primarily affected walkie-talkies that were purchased five months ago.#LebanonExplosion pic.twitter.com/0XTklLjxPO
Në mesin e atyre që merrnin pjesë në funeralin ishin fëmijë, gra dhe burra të të gjitha moshave. Funerali ishte gati të fillonte në momentin e shpërthimit.
Një burim i Hezbollahut konfirmoi, nga ana tjetër, se radiot e përdorura nga ky grup libanez ishin në shënjestër.
Agjencia shtetërore e lajmeve e Libanit raportoi më herët se pajisjet e komunikimit shpërthyen brenda shtëpive në periferitë jugore të Bejrutit dhe në Libanin jugor.
Skenat e kaosit u shpalosën në Dahiya, periferia jugore e Bejrutit dhe një bastion i Hezbollahut, ku kishte thirrje që telefonat të mos përdoren.
Komunikimet duket se janë të ndërprera, ndërsa rrugët janë të bllokuara.
Më herët, Hezbollahu tha se kishte nisur një sulm me raketa kundër një pozicioni izraelit pas shpërthimeve të djeshme në Liban. /Versus.al
