Ministri izraelit i Financave, Bezalel Smotrich, ka bërë deklarata tepër kontroverse duke e cilësuar Rripin e Gazës si një “minierë të artë të pasurive imobiliare” që sipas tij po negocion tashmë me Shtetet e Bashkuara për mënyrën se si toka do të ndahet pasi të mbarojë lufta. Këto fjali u thanë gjatë një konference për pasuri të paluajtshme në Tel Aviv, dhe janë përhapur nga mediat izraelite dhe ndërkombëtare.
Smotrich, politikani i krahut të djathtë, deklaroi se në këtë zonë ekziston një “bollëk imobiliare” që “auto-financohet” dhe që tashmë janë nisur negociata me amerikanët për shpërndarjen e tokës. Ai tha më tej: “Ne kemi investuar shumë para në këtë luftë. Duhet të shohim si do të shpërndajmë tokën në përqindje.”
Sipas tij, faza e parë e rinovimit, pra shkatërrimi i pjesëve të strukturuara tashmë është bërë, dhe tani do të vijë rradha e ndërtimit.
Reagimet
Deklarata e Smotrich ka nxitur reagime të ashpra: Palestinezët dhe udhëheqës politikë në komunitetin ndërkombëtar e shohin këtë si një plan për shpronësim masiv dhe zhvendosje të popullsisë. Organizata të të drejtave të njeriut alarmohen nga idetë e ndarjes së territorit, shpërndarjes së tokave dhe projektit për të ri-banuar Gazën me banorë hebrenj, të gjitha këto nën premisën e “pas-luftës”.
Akademikë dhe analistë politikë vërejnë se deklarata të tilla rrezikojnë të legitimojnë politikat e pushtimit dhe kolonializimit, dhe janë në kundërshtim me ligjin ndërkombëtar dhe të drejtat e minoriteteve dhe popullsive që gjenden nën okupim.
Gaza, që nga përfundimi i luftës së 2005 kur Izraeli u tërhoq nga vendbanimet hebreje brenda zonës, ka qënë objekt debati të vazhdueshëm për statusin e territorit.
Ligje ndërkombëtare dhe rezoluta të OKB-së mbrojnë të drejtat e popullsive civile për mbrojtje kundër shpërnguljeve të detyruara.
