Një video në kufinjtë e të pabesueshmes po qarkullon ne internet, ku tregohen alpinistët në majë të malit Dukono të Indonezisë duke u përpjekur dhe vrapuar për t'u strehuar, ndërsa vullkani shpërthen para syve e këmbëve të tyre, duke lëshuar shtëllunga të mëdha hiri në ajër.
Grupi alpinistëve u përballën me një arratisje të tmerrshme, ndërsa vullkani në malin Dukono i Indonezisë shpërtheu papritur. Pamjet video nga vendi i ngjarjes tregojnë alpinistët duke u kacafytur dhe duke vrapuar për t'u strehuar dhe për t'i shpëtuar llavës që mund t'i bënte lehtësisht 'karbon". Video e publikuar në rrjetin Al Jazeera, u bënë menjëherë virale.
Mali Dukono, në ishullin Halmahera, është një nga vullkanet më aktivë të Indonezisë. Shpërthimi i papritur i kapi alpinistët në befasi, duke i detyruar ata të iknin nga maja, ndërsa hiri dhe mbeturinat vullkanike binin si "shi".
Pamjet dramatike kapin intensitetin e momentit, me retë e dendura të hirit që mbulojnë me shpejtësi zonën. Pavarësisht situatës së rrezikshme, deri më tani nuk raportohet për të lënduar.
Autoritetet indoneziane kanë lëshuar paralajmërime për banorët dhe udhëtarët, duke u kërkuar atyre që të qëndrojnë larg zonës, ndërsa aktiviteti vullkanik vazhdon. Shpërthimi është një kujtesë e ashpër e natyrës së paparashikueshme të vullkaneve të shumta të Indonezisë, të cilat përbëjnë një kërcënim të vazhdueshëm për ata që janë shumë afër.
Mali Dukono ka qenë në një gjendje shpërthimi të vazhdueshëm që nga viti 1933, duke e bërë atë një nga vullkanet më të gjata që shpërthejnë vazhdimisht në botë.
