Në Katania bregun lindor të Sicilisë në tendat e rrrugëve që shesin mish kali e cila është një pjatë tradicionale për këtë rajon për të tërhequr klientët kanë vendosur në menu dhe një të sapoardhur në brigjet e tyre, gaforrja blu e Atlantikut ose siç njihet ndryshe krijesa alien.
Por këto gaforre me guaskën e tyre jeshile ulliri po krijojnë një krizë mjedisore në Itali.
Ata nuk janë grabitqarë dhe ushqehen me molusqe të reja por ndalojnë shumimin e butakëve duke ndikuar kështu në pozicionin e Italisë si një nga prodhuesit kryesorë të molusqeve në botë.
‘Unë preferoj gaforren blu për shijen e saj’ thotë një nga kuzhinierët e restorantit ku servirët si pjatë kjo krijesë aliene.
Për të joshur banorët vendas të provojnë këtë krijesë aliene, kuzhinieri e shërben atë me sushi me qepë,hudhër, domate dhe koriandër, të zbukuruar me lule të verdha të gjalla dhe të ngrënshme.
Ai thotë se njerëzit në Catania mund të jenë pak skeptik kur bëhet fjalë për të provuar këtë krijesë aliene.
“Është e mundur që njerëzit mund të mendojnë me vete, 'Çfarë është kjo? 'Oh jo, nuk më pëlqen kjo. Por pasi provojnë shijen e saj të ëmbël ata ndryshojnë mendin.'
Gaforrja blu tani mund të gjendet gjithashtu shpesh në tregun e famshëm të peshkut të Katanias, pas Piazza del Duomo të qytetit.
"E shes sepse njerëzit e pëlqejnë atë," thotë një shitës peshku.
Duke filluar me vetëm disa kilogramë gaforre blu në ditë, ai thotë tani se shet rreth 20 kilogramë në ditë.
Francesco Tiralongo, një biolog detar në Universitetin e Katanias, ka dokumentuar shumimin shpërthyese të popullsisë së gaforres blu në brigjet e Mesdheut.
Ai shpjegon se si rritja e temperaturave të ujit në Mesdhe, i ka bërë ujërat siciliane një mjedis mikpritës për specie të tilla aliene.
“Ndryshimi i zakoneve të konsumit të peshkut në Siçili për të përfshirë speciet e huaja si gaforrja blu është një përgjigje e nevojshme ndaj ndryshimeve klimatike dhe sfidave aktuale ekologjike,” thotë ai.
