Mbrëmjen e djeshme, Jude Bellingham i dhuroi Anglisë tri pikët e para në Euro 2024 me golin e vetëm të realizuar përballë serbëve, fitore që u arrit me shumë vështirësi.
Trajneri i Anglisë, Gareth Southgate vlerësoi fitoren ndërsa pranoi se dueli nuk ishte aspak i lehtë pasi serbët sipas tij, vetëm mbroheshin.
“Të luash përballë skuadrave që luajnë në mbrojtje është e vështirë, pasi nuk është e lehtë të krijosh raste dhe të gjesh hapësira. Megjithatë, të gjithë lojtarët tanë të sulmit bënë shumë mirë. Jam i bindur që në vijim do të arrijnë të shënojnë".
Bellingham? Ai është i aftë të bëjë diferencën dhe të krijojë diçka vetë. Mund të them se bëri një ndeshje shumë të mirë dhe ka një nivel tepër të lartë.
Ndonëse nuk e zotëruam topin aq sa duhej, më pëlqeu fakti që skuadra diti të reagojë dhe në këtë drejtim“, u shpreh Southgate.
Në anën tjetër, kapiteni Harry Kane u shpreh i lumtur për fitoren, ndonëse nuk arriti që të shënonte. Pasi traversa i mohoi festën personale në pjesën e dytë.
“E dinim se do të ishte një ndeshje e vështirë. Ata krijuan disa mundësi të mira, na vunë në vështirësi. Ne e merituam fitoren. Nuk duhet të harrojmë se në fazën e grupeve është i rëndësishëm vetëm kualifikimi”.
Ndeshja e radhës për Anglinë në Euro 2024 do të jetë përballë Danimarkës në datën 20 qershor. Më pas takimi i fundit në grupin C kundër Sllovenisë (25 qershor). Versus.al
