Reperi i njohur Mozzik gjatë një interviste të dhënë në podcastin e gazetarit Burim Pacolli lidhur me albumin e publikuar prej tij së fundmi, ka folur edhe për marrëdhëniet me kolegun e tij Noizy.
Pavarësisht bashkëpunimit të tyre “Bonjour Madame” të dy viteve më parë, dy reperët prishën marrëdhëniet dhe videoklipi u hoq nga youtube. I pyetur lidhur me këtë fakt, Mozzik tha se nuk kishte dijeni pse kënga ishte hequr nga Youtube ndërsa tha se nuk e dinte pse Noizy kishte prishur marrëdhëniet me të, duke theksuar se ky i fundit nuk e kishte komunikuar më në privat për t’u sqaruar.
“Bashkëpunimi me Noizyn ka qenë i mrekullueshëm. Për fshirjen e këngës nuk di gjë. Aq sa di ti di dhe unë. Krijohet një raport vetëm prej njërës palë. Secili e ka një arsye, por unë nuk i kuptoj. Kushdo që ka bashkëpunuar me mua e ka numrin tim. Mund të më gjejë në Instagram. Më kontakto nëse ke diçka me mua, jo të më sulmosh në mediat sociale se nuk e shoh të drejtë. Po bën diçka për të cilën unë nuk di gjë. Më ka ndodhur shpesh që vetëm të shoh veten në Story e mos të di asgjë. Dhe akoma s’di.”- u shpreh Mozzik. Versus.al
