Pas një heshtje të gjatë mediatike, Liri Berisha ka thyer barrierat dhe ka dhënë një intervistë të gjatë, në të cilën ka folur për jetën, karrierën, familjen por edhe për dashurinë. Duke u kthyer pas në kohë, bashkëshortja e kryedemokratit Sali Berisha tregon si rrallëherë detaje nga jeta e tyre private dhe ndan me publikun emocionet e takimeve të para.
“Zëri më impresionoi shumë. Pastaj më vonë mora vesh që ishte student dhe dinte disa gjuhë të huaja, që në atë kohë nuk ishte kaq e zakonshme sepse përveç Rusistesh nuk kishte gjuhë tjetër. E kam admiruar për seriozitetin, memorien e jashtëzakonshme, për mënyrën si shpjegonte. Gjithmonë me idenë se ai ishte profesori edhe jo studenti.”, u shpreh ajo.
Ndoshta për herë të parë ish zonja e parë e Shqipërisë, rrëfen se demokrati serioz, petk me të cilin e ka parë të veshur populli shqiptar, ka një anë romantike.
“Saliu shkruan bukur, por jo poezi. Për poezi, më ka recituar shumë poezi. Kur kemi qenë të fejuar dhe në njohje ai recitonte pa mbarim një poet rus shumë të njohur dhe shumë të dashur të asaj kohe. Aq sa më habiste. Më recitonte Bajronin, Fishtën Migjenin. Edhe sot mban në tavolinën e tij libra me poezi, I pëlqen shumë poezia”, tha Berisha. /Versus.al/
