Misse Beqiri, 39 vjeçe, ka marrë një mundësi të re për famë dhe karrierë duke u përfshirë në reality-shown “Ladies of London: The New Reign”, duke u përpjekur të nisë një kapitull të ri në jetën e saj pas një të shkuare të trazuar, që përfshin vrasje, krim të organizuar dhe divorcin.
Sipas burimeve pranë saj, Misse ishte e tronditur kur emri i saj u përmend në dosjet e Jeffrey Epstein. Ajo e ka takuar Epsteinin kur ishte ende shumë e re dhe nuk e dinte për të kaluarën e tij penale.
Modelja shqiptare, e cila u rrit në Suedi, ka theksuar se nuk ka kryer asnjë veprim të paligjshëm dhe ndihet keq për viktimat e situatës, duke shpresuar që drejtësia të vihet në vend.
Epstein i kishte ofruar Misse mundësi për kontrata modë dhe udhëtim privat për në Paris, por ajo kishte takuar atë duke pasur shpresën për të avancuar karrierën e saj.
Për fat të keq, koha nuk ishte e favorshme, pasi ai kishte përfunduar dënimin për prostitucion të fëmijëve në vitin 2008.
Përveç sfidave me Epsteinin, jeta personale e Misse ka qenë e komplikuar.
Ajo është ndarë nga ish-bashkëshorti dhe futbollisti i Premier League, Anders Lindegaard, dhe ka kaluar një marrëdhënie të trazuar me ish-të fejuarin Jake Hall.
Sërish, humbja më e dhimbshme ishte vrasja e vëllait të saj, Flamur Beqiri, i përfshirë në krim të organizuar në Londër. Kjo ngjarje e ka tronditur thellë dhe ka ndikuar në marrëdhëniet e saj personale.
Misse ka një djalë, Julian, 11 vjeç, me ish-bashkëshortin, dhe një vajzë, River, 8 vjeç, me ish-fejuarin.
Ajo shpreh se reality-show do t’i japë mundësinë për një fillim të ri dhe përqendrim në të ardhmen e fëmijëve të saj./Versus.al
