Mbrëmja e djeshme në “Ferma VIP” solli një nga momentet më të bujshme dhe më të komentuar të këtij edicioni, duke kthyer vëmendjen e publikut drejt historisë së dashurisë së Klod Dedjas.
Banorit iu bë një surprizë e papritur nga partnerja e tij, e cila hyri në ambientet e fermës e maskuar dhe refuzoi të zbulojë identitetin, duke krijuar kuriozitet dhe tension në studio dhe në rrjetet sociale.
Por “misteri” nuk zgjati shumë. Sipas informacioneve dhe fotove që kanë qarkulluar, partnerja e Klodit është Ersa Kana. Çifti raportohet të ketë një diferencë moshe prej rreth 25 vitesh, një detaj që ka ndezur diskutime të shumta online.
Edhe më shumë vëmendje ka marrë fakti se të dy kanë të lidhur një biznes të përbashkët, të cilin e promovojnë në bio-t e tyre në Instagram, duke e bërë lidhjen e tyre edhe më të komentuar në rrjet.
Në transmetim live, Klodi nuk u kursye në deklarata të forta dashurie për Ersën, duke e quajtur atë “një vepër arti” dhe duke treguar se ndjenjat mes tyre kanë ndryshuar totalisht jetën e tij.
“Ersa është një vepër arti. Kemi vjet e pak bashkë, por na duket si 3 minuta. Për herë të parë në jetë kam kuptuar çfarë do të thotë dashuria për një femër… Ne kemi rreth 25 vite diferencë, por mua më duket se unë jam më i vogël. Ndihem në faj që jam brenda, e kam shumë merak Ersën”, u shpreh ai emocionalisht.
Mes përqafimeve dhe momenteve të ndjera, Klodi i bëri edhe një premtim publik partneres së tij, duke ndezur edhe më shumë reagime në rrjet:
“Kur të dal nga këtu do bëjmë party, do bëjmë dasmë!”
