Ish-kryetari i Partisë Demokratike, Lulzim Basha ka bërë një reagim në rrjetin e tij social duke përgenjeshtruar një lajm të shpërndarë në një faqe online tre ditë më parë.
Në postimin e bërë pretendohej se deputeti kishte pësuar një aksident fatal dhe kishte ndërruar jetë.
“Ndahet nga jeta Lulzim Basha. Nuk arriti t’i mbijetonte aksidentit”- shkruhet në postimin e bërë nga faqja “Lajme Nate” në Instagram.
Tre ditë pas këtij postimi, ka ardhur edhe reagimi i deputetit i cili shkruan në rrjetin e tij social se është gjallë dhe se lajmi i rremë është përhapur nga njerëz që duan të shkatërrojnë vendin.
“Ndoshta disa do të trishtohen, por ndryshe nga lajmi i rremë që është përhapur, jam gjallë e mirë dhe nuk kam vdekur në një aksident automobilistik.
Njerëzit që duan që të përhapen këto lajme të rreme, janë po ata që duan të shkatërrojnë Shqipërinë. Unë dhe ju nuk do t’i lejojmë!”- shkruan Basha në reagimin e bërë. Versus.al
