Drejtori i Policisë së Shetit, Muhamet Rrumbullaku, ndodhet si dëshmitar, në Komisionin Hetimor për të dhënat e sistemit TIMS ku u pyet nëse mbledhja duhet zhvilluar me dyer të hapura apo të mbyllura.
Rrumbullaku është shprehur se dëshmia e tij ka sekrete hetimore prandaj dhe do të dëshmoj i vetëm.
Drejtori i Policisë shtoi se nëse mbledhja bëhet e hapur do të flasë vetëm për ato që nuk janë sekret.
‘Nuk dua te kem mbrojtës ligjor, do dëshmoj vetëm. Kërkesa jonë mbështetet në ligjin për komisionet hetimore dhe i qëndroj që dëshmia ime, përben sekret, për arsye qe do i shpjegoj pas vendimit te këtij komisioni
Ju kemi vene ne dispozicion materiale te paklasifikuara, por unë jam me shumë dokumente me vete, ligji për informacionin e klasifikuar, përcakton 4 nivelet e informacionit hetimor
Në të tre nivelet e tjera kërkohet pajisja me certifikatë respektive. Jam i hapur të jap shpjegime mbi sistemin TIMS se çfarë përfshin. Flitet parimisht sistemi TIMS. Unë nuk mund ta shkel në asnjë rast tagrin se çfarë përfshin dhe për çfarë shërben.’- tha Rrumbullaku.
