Tiranë- Prokuroria e kryeqytetit ka kërkuar sekuestrimin e llogarive të një personi të identifikuar si D.Ll pasi gjatë periudhës janar 2021-prill 2024 ka përfituar 17 transferta parash nga Britania e Madhe me vlerën 159.983 paund nga persona të ndryshëm.
Një prej personave që ka transferuar para drejt llogarisë së D.Ll rezoluton të jetë shtetas i huaj i cili deklarohet si shok i djalit të personit që kërkohet t’i sekuestrohen llogaritë bankare.
Djali i personit nën hetim, D.Ll rezulton se në vitin 2022, është hetuar në Angli për pastrim parash dhe përdorimin e personave të tretë për të kërcënuar individë të caktuar.
Sipas prokurorisë ekziston rreziku që kjo shumë parash të ketë ardhur si pasojë e veprimtarive kriminale dhe prandaj është i nevojshëm sekuestrimi i llogarisë bankare me qëllim që të mos transferohet te persona të tjerë. Versus.al
