Në një video të publikuar në rrjetin social TikTok, Xhovana Nikolli i, e cila u bë e njohur për publikun, gjatë vitit të kaluar, ku nga shpërthimi i një sasie tritol, në një banesë të marrë me qira nga e reja në Elbasan, humbi jetën 29-vjeçari Enea Thomaraj, ka hedhur sërish akuza ndaj SPAK.
Nikolli shprehet se i kanë bërë prit në aeroport duke i thënë se motra e ka shitur në Spanjë ku do ta vrisnin.
Gjithashtu ajo shkruan se Prokuroria e Posaçme mbron kriminelët dhe do që të shkatërrojë familjen e saj.
"Spak fut intriga mes motrave turp t’iu vije qa shteti kemi .. me ben prit ne Aeroport dhe me than qe mos ik ne spanj se motra t’ka shit do t’vrasin fjalet e Spakut! Mbroni kriminelat dhe doni te shkatrroni familjen tone .. Jam e gatshme per cdo gje deri ne fund", shkruan Xhovana në video ( e pa redaktuar)
Ditë më parë Prokuroria e Posaçme (SPAK), ushtroi kontrolle në banesën e motrave Alda dhe Xhovana Nikolli, në lidhje me vdekjen e fqinjit të tyre Enea Themollari.
Xhovana Nikolli ka publikuar vazhdimisht video në rrjetet sociale ku pretendonte se SPAK po e favorizonte vrasësin me pagesë Nuredin Dumani duke i dhënë lehtësi që të urdhërojë vendosjen e tritolit nga qelia. Xhovana Nikolli pretendon se i dashuri i saj Amarildo Xhanej (Nikolli), po ashtu i arrestuar si i dyshuar për vrasje me pagesë, është presionuar nga Nuredin Dumani i cili kërkonte t’i vendoste gjobë një personazhi tjetër të botës së krimit, që njihet ndryshe si “Luzi”./Versus.al
