Një pronar dyqani në Durrës denoncon, se specialistë të OSHEE-së i kanë kërkuar 2 milionë lekë, për t’i nxjerrë sahatin e energjisë nga brenda dyqanit në ambientet e jashtme.
Sipas tij, gjatë kontrollit, specialistët i thanë, se sahati kishte rezultuar me minus që prej vitit 2021 dhe nëse ata dorëzonin procesverbalin, sistemi do të gjeneronte automatikisht një faturë për 80 mijë kilovatë, pra më shumë se 14 milionë lekë.
“Unë iu drejtova emisionit Stop për një problematikë për punonjësit e KESH-it Durrës. Më vijnë ditën e mërkurë, kontroll në dyqan për sahatin e dritave. Pasi bënë kontrollin, ishin të gjitha në gjendje të rregullt, bënë edhe verifikimin dhe më thanë përse sahati jot është brenda në dyqan. Para dy vitesh erdhën kontroll blic, erdhën nga Tirana dhe nga Durrësi bënë matjet, bënë kontrollin e sahatit, bënë procesverbalin, e futën online dhe mua nuk më thanë asnjë lloj gjëje. Dy ditë para shkojnë dhe i thonë nuses që na detyrojnë këta shefat sipër që ne të bëjmë raportime, që të vëmë gjoba dhe të bëjmë shantazhe, jemi të detyruar të japim nga një emër. Ne nuk e kuptuam që është bërë një gjë të tillë.
Por më pas pamë që këta kanë një grup bashkëpunëtorësh që nga faturistja, nga shefa dhe pasi e bënë kontrollin më thanë që ta mbyllim këtë problem, ta vëmë sahatin të gjithë dhe ti duhet të paguash 2 milion lekë (të vjetra). I duan shefat që të mos vënë gjobë. Këto janë vetëm gjoba”, tha denoncuesi.
Në takimin e parë, pronarja, gruaja e denoncuesit kundërshton shumën, duke e quajtur të ekzagjeruar. Por specialisti i përgjigjet, se po e ndihmonte dhe se paratë nuk i merrte ai, por shefat. Specialisti këmbëngul, se situata duhej rregulluar, që të mos i nxirrte më probleme.
Specialisti –Mos erdhi zotëria?
Pronarja – Jo! Im shoq…, erdhe për te sahati?
Specialisti –Po! Do punojmë.
Pronarja –Shumë janë 2 milionë lekë, o burrë!
Specialisti –Ouuu… Ne po hyjmë, për të ndihmuar.
Pronarja – Po pra, po…,se unë do t’i jap aq, nuk e diskutoj.
Specialisti –Nuk i dua fare unë. Ato shkojnë…, ku shkojnë. Lëre këshu, siç është situatën. Ta ndërrojmë ne. Dorëzojmë letrat. Kur të vijë fatura në fund të muajit, shkoni mbylleni ju në Tiranë!
Pronarja – Po pse tashi, unë sahatin , unë dritat, i kam pagujt. Sahatin s’e kam ashtu…, hë, s’e kam prek me dorë. Siç hë…
Pronarja – Dritat i kam paguar në rregull.
Specialisti –Më dëgjo një sekondë, se ia shpjegova zotërisë, tani po më duket si këshu…, po e shpjegoj prapë.
Pronarja – Po hë, se edhe unë, më duken shumë, prandaj, se ne rrimë gjithë ditën.
Specialisti – Një sekondë! Të lutem! Unë hyra për ta ndihmuar, nuk kam interes fare. Ideja është, ai sahat ka dalë minus në 2021-shin.
Pronarja – Po! A u bë kontroll te ato?
Specialisti –Një sekondë pra, të shpjegoj! Në 2021-shin është bërë kontrolli me laborator.
Specialisti – Dhe ka dalë minus 20 e ca %.
Pronarja – Po pse? Si ka mundësi?
Specialisti –Një sekondë! Letrat në Tiranë janë dorëzuar, këtu nuk janë dorëzuar.
Specialisti –Nuk është miratuar, që të fuqizohet ai mandat. Nuk është dorëzuar nga punonjësit e OSHEE-së së Durrësit, nuk është dorëzuar mandati, që të merren, të vijë fatura. Në moment, që erdhëm ne dje, të çojmë procesverbalin tonë, ajo aktivizohet direkt dhe ty të vjen fatura diku te 80 mijë kilovatë. Jo se e vë unë. E vë sistemi.
