Tiranë- Policia ka arrestuar me urdhër të Prokurorisë së Posaçme (SPAK), ish-komisarin e Gardës së Republikës të identifikuar si Zef Mali i cili dyshohet për veprën penale të ushtrimit të ndikimit të paligjshëm ndaj zyrtarëve publikë.
Në kuadër të këtij aksioni edhe një personi tjetër me inicialet K.D, i është caktuar masa e sigurisë ‘’detyrim paraqitje’’. Sipas SPAK, dyshohet se të dy këta persona në bashkëpunim me njëri tjetrin, i kanë premtuar një gruaje se do ta ndihmonin në përshpejtimin e procedurave dhe veprimeve juridike në një institucion shtetëror në këmbim të pagesës prej 20 mijë eurosh.
Ka qenë vetë kjo e fundit e cila ka denoncuar rastin në SPAK. Ndërsa policia po punon për kapjen e K.D ndaj të cilit ka masë sigurie dhe ende nuk është gjetur. Paralelisht hetimet vijojnë për kapjen e personave të tjerë që mund të jenë të përfshirë në këtë veprimtari kriminale. Versus.al
