Gjykata e Posaçme ka vendosur konfiskimin e 12 pronave dhe 5 shoqërive tregtare në pronësi të ish-ministrit të Mjedisit Lefter Koka dhe 4 personave të tjerë.
Konkretisht është konfiskuar dhe i kalon shtetit në menaxhim kantina e pijeve “Gjergj Kastriot Skënderbeu” ku ish-ministri i dënuar me 5.8 vite burg zotëron mbi 88% të aksioneve në një vlerë prej më shumë se 244 milionë lekësh.
Konkretisht janë sekuestruar edhe 3 dyqane, 8 apartamente dhe 1 godinë në pronësi të Miklovan Xhafës, Agim Seferit, Arbër Denisit dhe Mateo Rusanit.
Pronat e sekuestruara:
-88.19% e aksioneve në pronësi të shtetasit L. K., në një shoqëri tregtare në Rashbull, Durrës, me vlerë korensponduese 244 442 972 lekë;
-1 njësi me sipërfaqe 206 m2, në një subjekt tregtar, me vlerë rreth 20 857 500 lekë;
-1 njësi me sipërfaqe 22.8 m2, në një subjekt tregtar, me vlerë rreth 2 308 500 lekë;
-1 njësi me sipërfaqe 68 m2, në një subjekt tregtar, me vlerë rreth 6 885 000 lekë;
-1 apartament me sipërfaqe 82 m2, me vlerë rreth 5 535 000 lekë;
-1 apartament me sipërfaqe 110 m2, me vlerë rreth 7 425 000 lekë;
-1 apartament me sipërfaqe 87 m2, me vlerë rreth 5 872 500 lekë;
-1 apartament me sipërfaqe 84 m2, me vlerë rreth 5 670 000 lekë;
-1 apartament me sipërfaqe 81 m2, me vlerë rreth 5 467 500 lekë;
-1 apartament me sipërfaqe 116 m2, me vlerë rreth 7 830 000 lekë;
-1 apartament me sipërfaqe 94 m2, me vlerë rreth 6 345 000 lekë;
-1 apartament me sipërfaqe 135 m2, me vlerë rreth 9 112 500 lekë;
-pasuri e paluajtshme truall me sipërfaqe 147 m2 dhe ndërtesë me sipërfaqe 126 m2, me vlerë rreth 12 757 500 lekë.
Në total vlera e aseteve që do t’i kalojnë shtetit llogaritet deri në mbi 344 milionë lekë të reja. Pasuritë e konfiskuara do të administrohen nga Agjencia për administrimin e pasurive të sekuestruara.
Personat e tjerë pasuritë e të cilëve janë konfiskuar, lidhen me Lefter Kokën dhe përfitimet që ka pasur ky i fundit në aferën e inceneratorit të Elbasanit. Versus.al
