Vëmendja e madhe e kushtuar ndaj këngëtares së njohur Parashqevi Simaku për gjetjen e saj teksa qëndronte e pastrehë dhe më pas ndihmën e dhënë drejt saj, ka pushtuar së fundmi diskutimet nëpër studio televizive.
Shumë prej analistëve e kanë konsideruar si të tepruar dhe “histeri kolektive” vëmendjen që po i jepet gjetjes së Parashqevi Simakut dhe strehimit të saj.
Një prej tyre ka qenë edhe ish-ministri Ylli Manjani i cili ka shpërthyer me tone të ashpra duke u shprehur se çdo gjë mund të bëhej në privatësi nga ana e institucioneve për ta ndihmuar ikonën e muzikës.
“Kam dëgjuar edhe ca masturbues publikë që i përmendin dashnorët. Po ik tani çfarë janë këto muhabete, këto pisllëqe?! Një shoqëri me pak institucione fillon dhe i menaxhon gjërat. Krijon institucione, evente, gjëra dinjitoze si Teatri i Operas. Këto do ishin dinjitoze. Por të bëhen emision pafund është e tmerrshme, unë nuk shoh më televizor, nuk na lë celulari rehat se të nxjerrin kështu”- u shpreh Manjani ndër të tjera. Versus.al
