AKTUALITET /

Me pistoletë në brez, arrestohet djali i biznesmenit Sino Llanaj

Sino Llanaj, biznesmen dhe ndërtues i njohur, mbeti i plagosur në janar të vitit 2021 në zonën e ish-Parkut në Tiranë, si pasojë e një konflikti që ka degjeneruar në nxjerrjen e armëve të zjarrit.

Shkruar nga Versus

Me pistoletë në brez, arrestohet djali i biznesmenit Sino Llanaj

Policia e Vlorës ka prangosur mbrëmjen e sotme një të ri, pasi i është gjetur një armë, pistoletë të cilën e kishte pa leje.

Burime nga policia thanë se, bëhet fjalë për Anxhelo Llanaj, djalin e biznesmenit Sino Llanaj.

Ky i fundit është mjaft i njohur për policinë dhe qytetarët, pasi vitet e fundit është përfshirë në disa sherre në Tiranë dhe jo vetëm, për shkak konflitesh me ortakët në ndërtimet që ka bërë.

Sino Llanaj, biznesmen dhe ndërtues i njohur, mbeti i plagosur në janar të vitit 2021 në zonën e ish-Parkut në Tiranë, si pasojë e një konflikti që ka degjeneruar në nxjerrjen e armëve të zjarrit.

Sherri ka nsiur pasi dy investitoret nuk kanë rënë dakord për punimet e një pallati në ndërtim e sipër. Sherri mes tyre ka shkuar dhe në dyert e Gjykatës së Tiranës.

Shkak është bërë konflikti mes dy investitorëve për një kompleks banimi me struktura 2,9 dhe 11 kate mbi tokë në rrugën “Ndre Mjeda” në Tiranë.

Më herët, Llanaj dhe disa banorë të pallatit që kishin dhënë parapagim kanë tëntuar të futen në objektin në ndëtim e sipër, por janë përballur me truprojat e Albert Allmuçës, të cilët kanë rrahur biznesmenin Sino Llanaj.

Ndërkohë edhe në vitin 2022 Llanaj ka qenë protagonist i një tjetër incidenti, kur iu zjarri qëllimisht makinës së vëllait të tij, Dritan Llanaj. Nga zjarri patën dëme dhe makina të tjera në garazhin e pallatit që ishte ndërtuar nga Sino Llanaj.

Në janar 2024 biznesmeni Sino Llanaj është vënë në prangat e policisë në Vlorës pasi është kapur me armë zjarri dhe municion me vete në makinë. Ai u kap gjatë kontrolleve të policisë në qytetin e Vlorës, në lidhje me vrasjen e të riut Gëzim Sinomati. Llanaj është arrestuar në autostradën “Fier-Vlorë”./Versus.al

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: