SPAK ka marrë në dorë hetimet për shpërthimin me tritol në banesën ku jetonin me qira dy motrat Alda dhe Xhovana Nikolli për të cilën këto të fundit akuzojnë Nuredin Dumanin si autor.
Mësohet se SPAK, do ia bashkangjisë çështjen hetimeve për dosjen ku po hetohen edhe krimet e tjera të kryera nga Nuredin Dumani si vrasës me pagesë që tashmë është kthyer në të penduar të drejtësisë duke rrëfyer për ngjarjet kriminale ku është përfshirë dhe ato për të cilat ka dijeni.
Shpërthimi ndodhi më 14 korrik në korridorin e katit të 4 të pallatit në lagjen "Haxhias" të këtij qyteti, ku ndodhej dhe apartamenti ku banonin të dyja motrat. Si pasojë e shpërthimit mbeti i plagosur rëndë 26 vjeçari Enea Thomarai i cili ndodhet ende në spitalin e Traumës.
Për ngjarjen, Alda Nikolli rrëfeu se prej muajsh ishte në një lidhje me Dumanin me të cilin tha se komunikonte nëpërmjet bisedave në skype nga ambientet e qelisë së tij ku duket se nuk i mungonin të gjitha kushtet më të mira.
Sipas saj, ngjarja ka ndodhur si hakmarrje e Dumanit pasi lajmin për lidhjen e tyre e kishte marrë vesh bashkëshortja e saj në Itali. Nikolli rrëfeu më tej se Dumani i kishte treguar asaj për disa prej krimeve që kishte kryer dhe shtoi se qëllimi i Dumanit kishte qenë gjobitja e Amarildo Nikollit të njohur me nofkën “Shkodrani” pasi ky i fundit ishte paguar nga Leonard Luzi për vrasjen e Inez Hajrullës në Vlorë. Versus.al
