Komisariati i Policisë Fier njoftoi se ka finalizuar operacionin policor të koduar “Wanted”, duke kapur Adriatik Shabanaj, 38 vjeç. Ai u arrestua në lagjen “1 Maji” të Fierit, pasi ishte shpallur në kërkim për veprat penale “Vrasje me dashje” e mbetur në tentativë, “Mbajtja pa leje dhe prodhimi i armëve, armëve shpërthyese dhe municionit”, si dhe “Largimi i të burgosurit nga vendi i qëndrimit”.
Ngjarja për të cilën është kërkuar ky person ndodhi në vitin 2021 në Berat, ku Adriatik Shabanaj tentoi të kryente një vrasje për motive të dobëta, duke përdorur armë zjarri. Ai ishte shpallur në kërkim pas vendimit të Gjykatës së Apelit Tiranë, e cila i kishte caktuar masën e sigurimit personal “Arrest në burg”.
Bëhet fjalë për atentati i dështuar ndaj Iljaz Ismailajt, në fshatin Poshnjë të Beratit në 21 Maj 2021. Kjo ngjarje është kthyer në një lojë ping-pongu në gjykatat Shqiptare, ku autori i këtij krimi, Adriatik Shabanaj ka hyrë e ka dalë të paktën edhe dy herë të tjera nga burgu për këtë ngjarje.
Njeriu që goditi me armë ndaj Ismailajt, i cili kishte vetëm 1 ditë që mbëriti në Shqipëri nga Anglia, në 2023 ka lënë ambjentet e burgut, duke u lënë në masën e sigurisë “arrest shtëpie”, masë që siç duket është revokuar prapë për herë të tretë nga gjykaka, kësaj here nga Apeli i Tiranës.
Tentativën e vrasjes së 21 Majit 2021 ndodhi në ambjentet e restorant “Kështjella” në Poshnjë. Në vendin e ngjarjes janë sekuestruar dy gëzhoja pistolete të llojit “TT”, ndërsa fillimisht persona të arrestuar nga policia e Beratit, kanë qënë Adriatik Shabanaj si dhe 4 persona të tjerë të akuziuar për “Mbajtje pa lejë të armëve”, “Moskallëzim Krimi” dhe ”Përkrahje të autorit të krimit”.
Shabanajt ju ndryshua masa e sigurisë nga gjykata e Apelit Vlorë, pasi sipas gjykatës ai vuante nga ç’rregullime të migrenës dhe dermatiti psoriatik.
Ankimi I bërë pranë Kolegjit Penal të Gjykatës së Lartës, çoi në urdhërin që Shabanaj të rifutej sërisht në ambjentet e burgut të Beratit, por edhe nga aty doli prapë. Tashmë që Shabanaj hyn për herën e trëtë në qeli, mbetet për të parë sesi do të shkojë “falli” i tij.
