Një juri në Nju Jork ka shpallur fajtor Senatorin Bob Menendez për të gjitha akuzat në gjyqin e tij federal për korrupsion.
Menendez ka qenë edhe kryetar i komisionit të jashtëm në senatin e SHBA-së.
Demokrati i Nju Xhersit u dënua për 16 akuza, duke përfshirë ryshfet, zhvatje, mashtrim, pengim të drejtësisë dhe veprime të tij, si një agjent i huaj, për rolin e tij në një skemë ryshfeti shumëvjeçare.
Gruaja e senatorit, Nadine Menendez, gjithashtu u akuzua në këtë çështje, por gjyqi i saj u shty për një kohë të pacaktuar nga gjyqtari pas diagnozës së saj të kancerit të gjirit. Ajo është deklaruar e pafajshme.
Bashkë të pandehurit e Menendez, edhe Wael Hana dhe Fred Daibes, biznesmenë nga Nju Xhersit u gjetën gjithashtu fajtorë për të gjitha akuzat me të cilat u përballën për rolet e tyre në skemë.
