Një burrë ka qëlluar me thikë tre persona në qytetin e vogël të Ëolmirstedtit në Gjermani, para se policia ta vriste, kanë njoftuar autoritetet gjermane të shtunën.
Tre personat e plagosur janë në gjendje të rëndë.
Prokuroria shtetërore nga qyteti i Magdeburgut ka thënë se sulmuesi fillimisht ka qëlluar një të ri në një vend tjetër, e më pas ka sulmuar persona të tjerë teksa kalonte pranë një shtëpie ku kishte festë me rastin e fillimit të Evropianit.
“Grupi ishte duke parë ndeshjen në një shtëpi private ku i gjeti autori. Policia reagoi shpejt dhe vrau sulmuesin”, thuhet në deklaratë, siç raportohet nga agjencia gjermane e lajmeve DPA.
Hetimet për motivet e mundshme të sulmit janë duke vazhduar.
Disa ditë më herët, një person me prejardhje afgane qëlloi me thikë një polic në Mannheim. Polici më vonë vdiq në spital.
