SHBA dhe Irani do të ulen sërish për bisedime. Përmes një postimi në rrjetet sociale,presidenti i SHBA-së, Donald Trump shkruan se Republika Islamike e Iranit i kishte kërkuar më herët të vazhdonim bisedimet.
Por ai tha se armëpushimi me Iranin ka mbaruar, pavarësisht dakordësisë për nisjen e bisedimeve të reja për paqe.
“Republika Islamike e Iranit na kërkoi të vazhdonim ‘bisedimet’. Ne ramë dakord, por Shtetet e Bashkuara u thanë atyre, pa asnjë dyshim, se armëpushimi ka MBARUAR!”, shkroi Trump në një postim në platformën e tij të mediave sociale, Truth.
Trump ka deklaruar shpesh se Teherani është përgjëruar për rifillimin e bisedimeve me Uashingtonin, megjithëse këto bisedime janë ndërprerë vazhdimisht pa ndonjë përparim të tyre.
Mediat shkruajnë se Katari synon të gjejë një mënyrë për të zbatuar memorandumin e mirëkuptimit SHBA-Iran. Kjo pasi mosmarrëveshjet rreth lundrimit në ngushticën e Hormuzit panë diplomacinë të kolapsohej këtë javë.
