Tajlanda nisi sulme ajrore kundër Kamboxhias të hënën. Mes fqinjëve të Azisë Juglindore nisi një valë e re luftimesh që shënuan fundin e armëpushimit të firmosur nga vetë presidenti i SHBA, Donald Trump dy muaj më parë.
Të dyja palët akuzuan njëra-tjetrën për nisjen e sulmeve përgjatë kufirit të tyre të diskutueshëm të hënën në mëngjes, pas javësh tensioni të ulët dhe pezullimit të mëparshëm të progresit në marrëveshjen e armëpushimit nga Tajlanda.
Zëdhënësi i ushtrisë tajlandeze, gjeneralmajor Winthai Suvaree, tha se sulmet ajrore kishin në shënjestër infrastrukturën ushtarake kamboxhiane dhe ishin hakmarrje për një sulm më herët të hënën që vrau një ushtar tajlandez.
"Objektivi ishte në pozicionet mbështetëse të armëve të Kamboxhias në zonën e Kalimit Chong An Ma, sepse këto objektiva kishin përdorur artileri dhe mortaja për të sulmuar anën tajlandeze në Bazën Anupong, duke rezultuar në vdekjen e një ushtari", tha Suvaree. Shtatë persona u plagosën në sulm, shtoi ai më vonë gjatë një konference për shtyp.
Kamboxhia filloi të shënjestronte kufirin tajlandez rreth orës 3 të mëngjesit sipas orës lokale të hënën, tha ushtria tajlandeze në një deklaratë.
Në një deklaratë të veçantë, Forcat Ajrore Mbretërore Tajlandeze (RTAF) thanë se “Kamboxhia kishte mobilizuar armatime të rënda, kishte ripozicionuar njësi luftarake dhe kishte përgatitur elementë mbështetës zjarri aktivitete që mund të përshkallëzonin operacionet ushtarake dhe të përbënin një kërcënim për zonën kufitare tajlandeze”.
Ministria e Mbrojtjes Kombëtare e Kamboxhias i mohoi akuzat e RTAF-së, duke i quajtur ato “informacion të rremë” në një deklaratë për X.
“Duke qëndruar në frymën e respektimit të të gjitha marrëveshjeve të mëparshme dhe zgjidhjes së konflikteve në mënyrë paqësore sipas ligjit ndërkombëtar, Kamboxhia nuk u hakmor fare gjatë dy sulmeve dhe vazhdon të monitorojë situatën me vigjilencë dhe me kujdes maksimal”, tha ajo.
Në një deklaratë të veçantë, ushtria kamboxhiane akuzoi ushtrinë tajlandeze për nisjen e “një sulmi ndaj forcave kamboxhiane” rreth orës 5:04 të mëngjesit sipas kohës lokale.
“Duhet të theksohet se ky sulm ndodhi pasi forcat tajlandeze u angazhuan në veprime të shumta provokuese për shumë ditë”, tha ajo.
Rreth 70% e civilëve tajlandezë janë evakuuar nga qytetet kufitare, tha deklarata e ushtrisë tajlandeze.
Tailanda dhe Kamboxhia luftuan një konflikt pesë-ditor kufitar në korrik që vrau dhjetëra njerëz dhe zhvendosi rreth 200,000 në të dyja anët e kufirit.
Një armëpushim fillestar midis dy palëve u ra dakord më 28 korrik pasi Trump zhvilloi telefonata me udhëheqësit e tyre përkatës.
Tailanda dhe Kamboxhia më pas nënshkruan një deklaratë të zgjeruar armëpushimi në Kuala Lumpur në fund të tetorit në një ceremoni të dëshmuar nga Trump dhe kryeministri malajzian Anwar Ibrahim.
Ibrahim tha të hënën se ishte "thellësisht i shqetësuar nga raportet për përleshje të armatosura midis forcave kamboxhiane dhe tajlandeze", ndërsa kërkoi përmbajtje nga të dyja palët. Versus.al
