Katër persona janë arrestuar në Britani dhe gjashtë adresa janë kontrolluar, si pjesë e një hetimi të gjerë për një skemë mashtrimi me efikasitetin energjetik me vlerë rreth 44 milionë paund, e cila kishte për qëllim të ndihmonte familjet në nevojë dhe të ulte varfërinë energjetike.
Hetimi po drejtohet nga Zyra për Mashtrime të Rënda (SFO), e cila dyshon se disa kompani të përfshira kanë përfituar fonde publike për punime izolimi dhe përmirësimi të energjisë në shtëpi, por në shumë raste nuk kanë kryer punimet ose i kanë realizuar në mënyrë minimale.
Sipas autoriteteve, skema synonte të reduktonte emetimet e karbonit, të ulte faturat e energjisë dhe të përmirësonte kushtet e jetesës për familjet me të ardhura të ulëta. Por hetuesit thonë se në praktikë, një pjesë e madhe e punimeve nuk është realizuar.
The Federal Energy Regulatory Commission has fined Durham-based American Efficient $722 million and ordered the company to repay more than $410 million in “unjust profits” for alleged fraud in its energy efficiency program.https://t.co/V8o6gryhVw
— INDY Week (@indyweek) April 22, 2026
Drejtori në detyrë i SFO-së, Graham McNulty, tha se po hetohen raste ku “mund të jetë bërë pak ose aspak punë”, duke ftuar të gjithë personat që kanë informacion të paraqiten dhe të bashkëpunojnë me autoritetet.
“Dera jonë është e hapur. Kush ka informacion duhet të flasë,” deklaroi ai.
Në qendër të hetimit janë tre kompani: Warmfront, JJ Crump dhe South Coast Insulation. Sipas të dhënave, Warmfront me bazë në Cannock u shit në vitin 2024 dhe menaxhmenti aktual nuk është i përfshirë në hetim. South Coast Insulation është mbyllur, ndërsa JJ Crump në Sheffield nuk ka reaguar ndaj kërkesave për koment.
Rasti është pjesë e një operacioni më të gjerë kundër mashtrimit të quajtur “Operation Henhouse”, që lidhet me skemën qeveritare ECO4, përmes së cilës kompanitë e energjisë financojnë përmirësime në banesa për të ulur konsumin dhe kostot e ngrohjes.
