Rusia lëshoi një breshëri raketash kundër Kievit dhe qyteteve të tjera të Ukrainës sot në një sulm të pazakontë herët në mëngjes që vrau të paktën 20 njerëz në të gjithë vendin dhe goditi spitalin më të madh të fëmijëve, thanë zyrtarët ukrainas.
Presidenti Volodymyr Zelensky i cili ndodhet për një vizitë në Poloni tha se forcat ruse qëlluan më shumë se 40 raketa duke synuar zona të ndryshme dhe duke shkaktuar dëme në infrastrukturë, ndërtesa tregtare dhe shtëpi në qytete të ndryshme të Ukrainës.
Pamje të rënda brenda spitalit të fëmijëve në Kiev:
❗️ More footage from the #Okhmatdit children's hospital in #Kyiv after the Russian strike. Authorities in the city say there have already been fatalities in the Russian attack. pic.twitter.com/JWaltUKZYt
— NEXTA (@nexta_tv) July 8, 2024
Autoritetet në qytetin e Kievit thanë se të paktën 7 persona u vranë dhe 25 u plagosën në sulmin në kryeqytetin ukrainas.
Sipas Zelensky, ka njerëz të bllokuar nën rrënojat e spitalit për fëmijë në Kiev, i cili u dëmtua nga sulmet e sotme ruse.
Pamje nga spitali pas sulmit
Children and their mothers who were treated at "Okhmatdit" sit next to the damaged building of the children's hospital.
— NEXTA (@nexta_tv) July 8, 2024
Photo: Bohdan Kutiepov / Ukrainska Pravda pic.twitter.com/oXs2MYb2GC
“Një nga spitalet më të rëndësishme të fëmijëve në Evropë”, u shkatërrua. "Ka njerëz nën rrënoja dhe numri i saktë i viktimave nuk dihet aktualisht," shkroi Zelensky në Platformën X. "Rusia nuk mund të pretendojë se nuk e di se ku bien raketat e saj dhe duhet të mbajë përgjegjësi për të gjitha krimet e saj," shtoi ai.
Kryetari i bashkisë së Kievit, Vitali Klitschko tha se sulmi në kryeqytet është një nga më të brutalet që nga pushtimi rus në shkurt 2022.
Ai shtoi se spitali kryesor i fëmijëve në qytet u dëmtua nga sulmi. Prindërit që mbanin në krahë foshnjat dolën në rrugë të tronditur dhe duke qarë.
"Ne dëgjuam një shpërthim dhe më pas rrënojat ranë mbi ne," i tha Reuters Svitlana Kravchenko, 33 vjeç, pasi ajo dhe burri i saj Viktor dolën nga streha.
Foshnja e tyre dy muajshe nuk u dëmtua, por Svitlana u plagos ndërsa makina e tyre u varros plotësisht nën rrënojat e një ndërtese të shkatërruar në anën e kundërt të oborrit ku ndodhet krahu kryesor i spitalit.
Në Kriviy Rih, vendlindja e Zelenskiy, 10 persona u vranë dhe 31 u plagosën, tha kryebashkiaku Oleksandr Vilkul.
Tre persona të tjerë u vranë në Pokrovsk, në Ukrainën lindore, kur raketat goditën një objekt industrial, tha guvernatori rajonal i Donetsk.
Autoritetet lokale dhe rajonale thanë se njësitë industriale, infrastruktura, rezidencat dhe ndërtesat tregtare u dëmtuan në Kiev, Krivi Rykh, Dnipro, Pokrovsk, Kramatorsk dhe qytete të tjera.
“Të gjitha shërbimet janë mobilizuar për të shpëtuar sa më shumë njerëz të jetë e mundur”, tha Zelensky në aplikacionin e mesazheve Telegram. Dhe e gjithë bota duhet të përdorë gjithë vendosmërinë e saj për t'i dhënë fund të përhershëm sulmeve ruse./Versus
