Të paktën 550 besimtarë kanë vdekur gjatë haxhit, për shkak të temperaturave përvëluese.
Mësohet se 323 nga ata që vdiqën ishin egjiptianë, shumica e tyre patën komplikacione të sëmundjeve për shkak të nxehtësisë së madhe.
"Të gjithë ata [egjiptianët] vdiqën për shkak të nxehtësisë, përveç njërit që pësoi lëndime vdekjeprurëse gjatë një përplasjeje të vogël të turmës”- shkruajnë mediat e huaja.
Të paktën 60 jordanezë kanë vdekur, thanë diplomatët, nga një numër zyrtar prej 41 i dhënë më herët të martën nga Amani.
Vdekjet e reja e çojnë totalin e raportuar deri më tani nga shumë vende në 577.
Totali i të vdekurve në morgun në Al-Muaisem, një nga më të mëdhenjtë në Mekë, ishte 550.
Më herët të martën, ministria e jashtme e Egjiptit tha se Kajro po bashkëpunonte me autoritetet saudite në operacionet e kërkimit për egjiptianët që ishin zhdukur gjatë haxhit. Autoritetet saudite kanë raportuar se kanë trajtuar më shumë se 2,000 pelegrinë që vuajnë nga stresi i nxehtësisë, por nuk e kanë përditësuar këtë shifër që nga e diela dhe nuk kanë dhënë informacion mbi viktimat. Versus.al
