Gjashtë zona franceze u vendosën në alarm të kuq për shkak të përmbytjeve mes shiut të jashtëzakonshëm që agjencia franceze e motit tha se ishte deri në 630 mm në 48 orë në një zonë.
Zonat e mbuluara nga alarmi i kuq përfshijnë Lionin, qytetin e tretë më të madh në vend, si dhe Kanën, e famshme për festivalin e filmit.
Autoritetet thanë se kishin mbyllur rrugët, kishin evakuuar lagjet dhe u kërkuan banorëve të shmangnin rrezikun duke bërë foto dhe video.
Makina dhe rrugë të zhytura në ujë nga përmbytjet
Nuk ka raportime për të vdekur apo të lënduar dhe ende nuk është e qartë se cili është niveli i dëmeve nga përmbytjet.
Përmbytjet në pjesën jugore të Francës vijnë një javë pasi mbetjet e uraganit Kirk shpërthyen në Evropën Perëndimore dhe gati një muaj pasi Kana u godit nga përmbytjet.
Makina dhe rrugë të zhytura në ujë nga përmbytjet
Në të njëjtën kohë edhe Veriu i Italisë është përfshirë nga vala e motit të keq me përmbytje. Ndër zonat më të prekura është, sërish Liguria. Në Xhenova lumi Entella doli nga shtrati, ndërsa Bashkia ftoi qytetarët që "të largohen nga rruga ose nën nivelet e rrugës dhe të ngjiten në katet e sipërme të ndërtesave ose të largohen nga zonat e rrezikut".
Më herët në shtator, Evropa Qendrore u godit nga përmbytjet më të këqija në atë zonë në të paktën dy dekada.
