Mijëra njerëz janë mbledhur mbrëmjen e së premtes në sheshin “Sintagma”, në kryeqytetin grek Athinë, për të protestuar ndaj qeverisë si përgjegjëse sipas tyre, e tragjedisë hekurudhore, 2 vite më parë në Tempe.
Kjo protestë po zhvillohet në një moment ku në kuvend do të votohet mocioni i mosbesimi të qeverisë së Mitsotakis.
Në tubim, nënat e dy viktimave u ngjitën në skenë, duke shprehur mirënjohjen e tyre ndaj turmës për mbështetjen e tyre.
Një prej tyre ishte nëna e 18-vjeçares Anastasia Papaggeli, e cila dha një mesazh të përzemërt.
“E humba Anastasinë në tren, ajo ishte 18 vjeçe, studente universiteti për vetëm gjashtë muaj.
Faleminderit që dolët në rrugë për fëmijët tanë. Familjet janë bërë një familje. Le të mos mendojnë për asnjë minutë se unë nuk do të dal në rrugë, bashkë me të gjithë. Për Anastasia, për Giorgos, për Françeskën, që nuk kishte oksigjen, sepse ata ia morën”, tha gruaja.
Për shkak të protestës në qendër të Athinës, stacionet e metrosë “Syntagma” dhe “Panepistimio” janë mbyllur me urdhër të policisë, ku trenat kalojnë pa ndalur.
Më herët policia njoftoi ndalimin e 13 personave në lidhje me protestën.
Për shkak të protestës në qendër të Athinës, stacionet e metrosë “Syntagma” dhe “Panepistimio” janë mbyllur me urdhër të policisë, ku trenat kalojnë pa ndalur.
Ndërkohë, një turmë e madhe është mbledhur edhe në sheshin Aristotelous të Selanikut dhe protesta po zhvillohen aktualisht në disa qytete të tjera të mëdha në të gjithë vendin.
Kjo shënon valën e dytë të mitingjeve këtë të premte, pas demonstratave të mëparshme të udhëhequra nga studentët që kërkonin drejtësi për viktimat e katastrofës hekurudhore Tempe të vitit 2023 në Athinë dhe qytete të tjera.
