Serbi- Ka shkuar në 14 numri i personave që kanë ndërruar jetë si pasojë e shembjes së tendës pranë një stacioni treni në Novi Sad. Mes viktimave është edhe një fëmijë i vogël. Serbia ka e ka shpallur të sotmen ditë zie dhe ka ulur në gjysmështizë flamurin.
Presidenti serb, Aleksandër Vuçiç ka reaguar për ngjarjen e rëndë duke thënë se përgjegjësit do të ndëshkohen.
“Shpresojmë që ky të jetë numri përfundimtar: 14 persona kanë vdekur. Prej tyre, ne nuk kemi qenë në gjendje të identifikojmë pesë individë. Ne të gjithë duhet të bashkohemi për të mbështetur familjet e atyre që humbën jetën dhe të bëjmë gjithçka në fuqinë tonë për të minimizuar dëmin dhe për të ndihmuar sa më shumë ata që kanë humbur të dashurit e tyre. Përgjegjësit, ju siguroj se do të ndëshkohen”,- u shpreh Vuçiç mes të tjerave.
Ndërsa dielli perëndonte në Novi Sad, njerëzit ndezën qirinj dhe vendosën lule në një memorial të improvizuar për viktimat pranë stacionit hekurudhor dhe në sheshin kryesor të qytetit. Versus.al
